عيبك يا الشاوش- الشاوش بريك

 

عيبك يا الشاوش
عيبكْ يا الشاوْشْ
أنَّكْ واحْدْ من الدراوْشْ
سْلاحْكْ بلاستيكْ
يلعبو بيه في القشاوْشْ

محروم في البلادْ
منْ شفاعة الاسيادْ
ونهارْ يحتاجوكْ
يحتاجوكْ في شي برادْ

المحامي مول الكتابْ
لابس لبس الغرابْ
قلت ليه حامي علي
قال لي بيع الكبابْ

واش يا ربي هاذ الحكرة
نحاسي ديما بلا نقرة
بحالي في الدنيا مخلوق
غير لأتاي والسخرة

حياتكْ في الطلوع والهبوطْ
وعايش عيشة واحد مسخوطْ
النهار وما طال في تمارة
وما تلقى ما تدير في الكوكوطْ

حروفْ وما لقات اللي يْكْتْبْهَا
غير واحد مسنطح دافع الجبْهَة
دير بحالو وعيش أديبْ
وتْجَاهْلْ الدنيا تغلبْهَا

هذا زمانْ ناسخْ منسوخْ
وكل عظيم فيه منفوخْ
ياك كون كان بصح طبيبْ
علاش ميداويش راسو الخوخْ؟

فقص الناسْ لا تعيش مفقوصْ
وزيد نغيزة واخا تكون منقوصْ
شوف في المرايا واسبق الناسْ
وقول على راسك بوكوصْ

وعجبي

(يتبع)